Silia ma le 70 tagata fasiotia I le mu na tulai mai I le taulaga aupito I tele o Aferika I Saute, Johannesburg.
5 fogafale o le fale tele lenei I le taulaga ua faaleagaina uma I le afi ma e faapea o lea nofoaga e tele ina nofoia e tagata e leai ni fale.
Tuufaatasia tala fou ua faamaonia ua fasiotia ai ma fanau, lea e toafitu ma o le tamaitiiti aupito I laititi lava ua maua o le 1 tausaga.
E ono faaopoopo le fuainumera o tagata maliliu e tusa ma ripoti mai Aferika I Saute, fua I le toatele o tagata e nonofo I lea fale, lea e faapea e 200.
Tolu itula o taumafai le vaega o tineimu e tineia le afi ma o lea foi ua faamaonia mai e sui o le malo, e tusa ma le 141 aiga sa nonofo I le fale tele ua mu.
O loo suesue nei le mafuaaga o le mu ae I nisi o ripoti o loo taua ai e masani lava ona faia e tagata e nonofo I le fale lenei afi I totonu e faamafanafana ai mai le malosi o le malulu.
