Ua maliu se alii na fana e leoleo i le itu i Saute o Adelaide i le vaveao analeila.
Fai mai leoleo e 40 tausaga o lea tagata na togafitia i se nofoaga i Craigburn Farm ma faatotope ai loa i le falema’i peitai na maliu mulimuli ane.
Ua ta’ua i lipoti na faafefe e lea tagata leoleo i se naifi a o taumafai leoleo e faafilemu.
O loo ta’ua i nisi lipoti o se nofoaga mo i latou e iai aafiaga tumau lea na tupu ai le faalavelave.
Fai mai e le’i iai se leoleo na faamanu’alia i le faalavelave ae o loo fuafua o le aoauli nei e fai ai se feiloa’iga a leoleo ma tusitala i se tulaga lata mai ua oo iai le mataupu.
Puna o Faamatalaga: https://www.abc.net.au/news/2025-01-07/man-dies-after-being-shot-by-police-at-craigburn-farm/104790664
