Ua aumai se fautuaga malosi mai se faifeau Samoa o loo galue i le galuega ma faamautū i Melepone i Ausetalia, i le tatau i o tatou tagata o maua galuega faavaitaimi i totonu o lea atunuu ona faaaogā tatau lea avanoa, ae lē o le tagofia o le ‘avamalosi ma aafia ai i solitulafono.
E 4 masina ua nofosala ai i le falepuipui i le setete o Vitoria se alii o se tagata faigaluega faavaitaimi mai Samoa i se faai’uga a le faamasinoga a lea setete o Ausetalia na lauina i le Aso Lua o le vaiaso nei.
O le susuga i le faifeau ia Freddy Sooalo sa auai o se faaliliuupu i le fofogaina o lea faai’uga a le faamasinoga.
O se tasi lea o ana galuega i loo fesoasoani ai i tagata Samoa o loo malaga mo galuega faavaitaimi i lea vaega o Ausetalia.
Se faatalanoaga ma le faifeau, Rev Freddy Sooalo o loo galue i le ekalesia o Iesu le Maa Tulimanu i Melepone Ausetalia.
