A ititi mai pe lua tausaga le faasalaga i le falepuipui o se tagata faigaluega i le malaevaalele i Sini ona o loo lipotia i le 7News sa ia gaoia le tusa ma le $450 afe o le tau o electronics mai le malaevaalele i le vaega o uta poo le cargo.

Fai mai le lipoti o le alii e 38 tausaga mai Green Valley o se tagata la’u uta i le malaevaalele i le taimi a o faigaluega ma sa faia suesuega i le mataupu lea talu ona faato’ā lipotia ia Fepuari 2022.

Na maua atu iai le $189 afe i lana taavale i ni nai masina mulimuli ane e pei ona faailoa e le Australian Federal police.

Fai mai na toe maua foi le isi $261 afe ua transfer i le tusitupe a lea tagata ma o le aofaiga atoa lea e $450 afe o tupe na ia maua ane mai le faatauina o oloa gaoia nei mai le malaevaalele.

O lana paaga e 45 tausaga na molia foi i lenei mataupu ma o la ioeina uma o la moliaga i le tausaga talu ai, na faasala le tamaitai e faia galuega i le komiuniti ae faasala le alii lea i le tolu tausaga ma le fā masina ma e tatau ona tuli le 2 tausaga faato’ā agavaa i se palola.

Puna o Faamatalaga: https://7news.com.au/news/trusted-airport-worker-steals-450000-worth-of-personal-electronics-from-cargo-at-sydney-airport-c-14912539