E 6 tausaga ma le10 masina i le falepuipui le faasalaga o se fomai faapitoa mo mata, eye surgeon mai Kalaiesetete ina ua ia tautino lona taumafai e faaoo le oti i lana landlord sa iai.
O Ian William Dallison na ia ioeina lona moliaga i le faamasinoga maualuga ia Tesema o le tausaga talu ai ona o le taupulepule e fasioti Alberto Ceccarelli.
Fai mai e 9 fana sa iai i le alii fomai ma pulu, na ia fana ai le landlord ma toeitiiti aafia ai le ulu ma amata ai loa le finauga.
Ua lipotia na faamanu’alia ai foi ma le toalua o Ceccarelli ae lipotia o le aso lava lea sa faamaonia ai le bankrupt o le alii fomai ona o tuuaiga mai le landlord.
O le taeao nei na lauina ai le faasalaga o le alii fomai, 66 tausaga le matua, i le faamasinoga maualuga i Kalaiesetete.
