Ua mautinoa le falepuipui o se alii e iai sootaga i se kegi, o ia lea sa faamanu’alia ai ni tagata se toatolu mai se fana i fafo ane o se fale’aiga i Aukilani o i latou na aafia e aofia ai le tagata faipisinisi o Poull Andersen, le uso o tasi o alii faasalalau Jay-Jay Feeney.

O lē ua ta’ua, ua 20 nei ona tausaga ma o loo faasā pea ona faailoa le igoa ae sa tulai i le faamasinoga faaitumalo i Aukilani i le asō.

Sa iai i se tasi o falepuipui na loka ai talu mai le faalavelave lea ia Mati 2022 ma ua faailoa iai e le faamasino e 5 tausaga ma le fitu masina i le falepuipui ona o moliaga o loo aafia ai.

E na o le 18 tausaga o le alii lea i le taimi na tupu ai le faalavelave i Aukilani.