O se fale’aiga mai Hawkes Bay lea ua faamautuina o le fale’aiga aupito sili lea ona manaia i Niu Sila e pei ona fofogaina i le po anapo i faailoga taualoa faapisinisi ma taligamalo, le Hospitality NZ Business Awards.
O le Craggy Range Restaurant e i Havelock North ma o i foi lea sa faataunuu ai le faaipoipoga a Jacinda Ardern i le amataga o le tausaga.
O le Richmond Club i Kalaiesetete na mauaina le People’s Choice Award, o le Best Bar na manumalo ai le Market St i Napier ma le Thistle Inn i Ueligitone na malo i le Best Local Faailoga o le Best Cafe na malo ai le Majestic at Mayfair i Kalaiesetete.
O le Best Accommodation na maua e Lylo i Aukilani, o le Best Hotel na maua e le Hotel Britomart ma le Tahi Bar and Kitchen na malo i le Best Entertainment venue.
E iai ma isi faailoga na fofogaina uma i lea faamoemoe ae na saunoa le Ofisa Sili o le Hospitality NZ Steve Armitage, ua faia tonu ia faailoga i se taimi aupito tele ai lu’itau mo auaunaga nei talimalo ma ua talafeagai ai le faamanatu ma faatāua le latou tautua.
O le 26 ai lenei o tausaga o faia pea ma e lua po sa faataunuu ai i le Te Pae Convention Center.
Puna o Faamatalaga: https://www.1news.co.nz/2024/07/31/hawkes-bay-restaurant-takes-top-honour-at-hospitality-nz-awards/
