O le po anapo na faia ai le sauniga I Timaru e manatua ai le fanau toatolu na fasiotia I le vaiaso talu ai

Tusa ma le 300 I latou na faatasi atu I lea sauniga ma moli ga’o, teu fugalaau faapea meaalofa e manatua ai le fanau

O le fasiotia o I latou nei ua toe molia ai lo latou tina i moliaga o le fasioti tagata, ma na maua le avanoa o le faafeagaiga ia Alan Cummins o loo lagolagoina le tama faanoanoa ia Graham Dickason e faitauina se tusi mai le tama mo I latou na iai anapo

I upu o lea tusi o loo ia faailoa ai ua ia faamagalo I lona toalua, ae o le motusia o le mafutaga ma lana fanau teine o le a le galo

O lea aiga o lo latou vaiaso muamua lava lea I Timaru lea ua fasiotia ai le fanau, ma I le sauniga anapo ripotia mai ai le toatele o tagata Aferika I Saute o loo aumau I Niu Sila nei na faatasi atu ai