E lē o faigofie galuega toe faaleleia e faaola ai le initaneti i nisi o vaega o Aukilani.
Talu mai lava le taeao o le Aso Gafua i le vaiaso nei lea na faaleagaina ai e nisi cables nei e ola ai le initaneti i Mangere Bridge faapea Onehunga, o lea lava e lei toe oo le initaneti i le 2282 fale o aiga faapea nisi o pisinisi.
Faamaoniga mai le Chorus e lē o faigofie galuega faia i lalo o le auala laupapa ona o le vaapiapi faapea le tele o fibres ua faaleagaina e tagata.
O le aso lea e faapea o loo taumafai ai le aufaigaluega ia toe ola le initaneti mo nuu nei ua aafia.
A o faigata ai i le to’atele o aiga o lea ua tolu aso o leai se initaneti, e faapea foi pisinisi ma a latou auaunaga ma o le toatele e faapea o lea ua hotspot mai telefoni aga’i i masini komepiuta.
Fai mai Lotu Fuli o ia o le councillor mai le Manukau Ward i tala a le leitio a Niu Sila, ua o se ata manino lenei o le faalagolago o tagata i tekonolosi ma o lona mana’oga ia vave ona toe maua fesoota’iga tau initaneti.
Puna o Faamatalaga: Thousands still without internet in Auckland, repair proving ‘difficult’ – Chorus | RNZ News
