Faitau afe tagata i Aotearoa na faafetaia ma toe manatua e na maliliu I taua I tausaga ua sola, ao faamanatu ai le Anzac ananafi I le vaveao
Tusa ma le 15,000 tagata Aukilani na auai atu I le sauniga a’o le I malamalama ananafi I le Auckland War Memorial museum, ma o se sauniga ua faafetaia e le toatele a’o toe faatasitasi ai I lenei tausaga, faatusa I le tausaga talu ai na misi ona o le Koviti
O le tamaitai palemia na fofogaina le saunoaga autu e le umi, Jacinda Ardern, ma e le gata na ia faafetaia ma manatua I latou ua maliliu I taua I tausaga ua alu, ae faapea foi I latou na galulue malosi I taimi o le Koviti I nei ona po
I Hamiltone, e faapea foi le faitau afe ma le agaga faafetai o le toatele ua toe faataua e ala I faatasiga ma savali I le vaveao le Anzac o lenei tausaga
Ae I le malulu e tolu tikeri I le vaveao ananafi I Kalaiesetete e le I taofia ai le agaga o le faitau afe e savavali ma faatasi atu I le sauniga na faia I Cranmer Square
Tusa ma le 10,000 I latou na auai I le sauniga I le vaveao ananafi I Ueligitone, ma na maua ai le avanoa o le kovana sili ia Dame Patsy Reddy e faafetaia ai I latou na auai I Pukeahu National War Memorial Park, aemaise sauniga o loo faia I soo se vaega o le atunuu
