O le faiga fou i Adelaide ua mafai ona maua ai avetaavale e faaaogā a latou telefoni a o aveina le taavale, ua maua ai le 2,544 o avetaavale i le vaiaso muamua ua faaaogāina ai lea faiga fou ma ua oo atu i le $1.67 miliona faasalaga tupe ua faia ai.
Fai mai le 9News e to’atolu avetaavale ua maua faafia i le system lea o loo faaaogā pea telefoni ma ave taavale ma ua se’ia ai ma laisene.
Fai mai le sooupu a leoleo, o le auala faigofie e ‘alofia ai le maua o se sala pe lusi foi le laisene, o le taofi o le faaaogāina o le telefoni i le taimi e ave ai le taavale.
Fai mai leoleo ua tele taimi ua o latou tautalagia ai lea mataupu ma o meapueata fou ua faaaogā i le faiga lea e mo le sailia o ni a latou tupe ae se’i sui ai le masani a le tele o avetaavale o le faaaogā o telefoni ma faafoe taavale.
O faamaumauga ua ta’ua ai o le faaaogāina o cameras ia ua afua ai se suiga i nisi avetaavale ma ua faaitiitia mai le faaaogā o telefoni a o iai i luga o le alatele aemaise lava i taimi pisi.
Puna o Faamatalaga: https://www.9news.com.au/national/south-australia-mobile-phone-detection-cameras-first-week-results/f6c0dcf5-f972-40d8-a541-87721c080c51
