E foliga ua faasolo atu ina faifaitetele le mataupu I le taaloga o le lakapi I le va o Ausetalia ma Niu Sila pei ona lipotia ai I le aso e le Newstalk ZB le folafola ane e Ausetalia o le tulituliloa o Niu Sila mo le 5 miliona o le taui ona o faaletonu I le test sa fuafua e faia I Perth Ausetalia.
O loo lipotia e le Sydney Morning Herald e pei ona agiga I le lipoti lea e faapea ua mananao le Rugby Australia I se tusitusiga faamaonia mai le NZ Rugby e faapea o le a faia pea se taaloga toe fetuunai o le Bledisloe Cup I Perth I le aso 4 o Setema.
O loo taua foi na totogi e le West Australian Government le 5 miliona Ausetalia ile Rugby Australia e talimalo ai I le taaloga lea ma e mananao la e toe totogi atu le tupe lea pe afai e le mafai ona agai atu le All Blacks mo le faamoemoe lea ona o le koviti.
Fai mai la le sui o le Rugby Australia, Andy Marinos I lea lipoti ua maea ona faamanino mai le tulaga lea ia Niu Sila ma ua manaomia le faapepa o le maliega. Fai mai le ofisa sili o le NZ Rugby, Mark Robinson, ua maea ona faailoa iai o le All Blacks o loo taofia mai ona o tulaga I popolega I le soifua maloloina o tama taaalo.
Le fiafia le faiaoga o le au a Ausetalia, Dave Rennie I le tulaga ua faailoa ai e Niu Sila le le oo atu I le test lona tolu I Perth ma ua saunoa ai Marinos e lei iai se taimi ua fesootai atu ai le Rugby NZ e tusa o le faaiuga I le test lona tolu lea o le Bledisloe ma e lei tali atu foi I lana telefoni ane peitai o lea ua faalauiloa faalauaitele e aunoa ma se logoina aloaia o latou.
