I Ausetalia ua fiafai tetele le le fiafia o tagata aemaise tagata Initia ona o le faaiuga e taofia mo le taimi nei faigamalaga mai lea atunuu ona o le tulaga malosi ua iai le pepesi o le faamai o le koviti 19 9i lea atunuu.
O le aso na faalauiloa ai e se tasi tagata taalo sa iai I le kilikiti Michael Slater lona le fiafia I le faaiuga ua faia e le palemia ma le malo ua taofia ai le toe foi mai o I latou I Ausetalia. Mamafa nisi faamatalaga sa taua e faapea e I luga o le palemia Scott Morrison toto o tagata e maliliu mai I le faamai ao taofia I Initia ona o le faaiuga ua faia e le malo.
Peitai na saunoa le Palemia o le a toe tatala I se taimi faigamalaga ae mo le taimi nei mo le puipuiga o le atunuu atoa aemaise o le taofiofia ma le pulea lelei o le faamai, e ao ona lava onosai ma usitaia le tulaga ua iai I le taimi nei.
