Ua lē taunuu faamoemoega o le Wallabies ia faamae’a le season lenei o malo uma i ana taaloga o le malaga taamilo i Peretania ma Aialani, ina ua faia’ina ia Sikotilani i le la taaloga i le taeao analeila.

Ana fai e mālo o lona uiga o le ulua’i taimi lea o le a malo ai i taaloga uma i le silia ma le 40 tausaga talu ai.

Sa iai le faamoemoe o le to’atele e pei ona lipotia e malo uma le Wallabies i ana taaloga ina ua faia’ina ai Enelagi ma Wales i taaloga talu ai peitai ua faamuta ai lea faamoemoe e Sikotilani i le taaloga mata’ina, ‘ai o le taaloga, Sikotilani 27 Wallabies 13.

O le taaloga mulimuli e faamae’a ai le malaga taamilo e taaalo ai ma Aialani i le vaiaso fou.

O loo tālia se lipoti lata mai i le manu’aga o le alii talavou o Joseph Suaalii mai le taaloga lea e feta’ua’ina e foliga ua aafia lona lima ma ono misia ai taaloga o totoe a le ‘au.

Fai mai le faia’oga Joe Schmidt, talosia e lē o telē se aafiaga o Suaalii mai lea manu’aga.

Puna o Faamatalaga: https://www.nine.com.au/sport/rugby/wallabies-vs-scotland-2024-result-australia-lose-highlights-video-match-report-20241125-p5kt6b.html