O loo faaauau nei le suesuega a leoleo ise faalavelave ua fetauaina ai le taofia o nisi ile falemai mo togafitiga.
E toalua tagata o loo ile falemai , o leisi o loo lipotia e tigaina, ile maea ai o se osofaiga na faia ise fale i West Auckland ile po anapo.Na valaau ane leoleo ma le fesoasoani faavavave ise fale i Evans Rd i Glen Eden pei ona lipotia e le Herald ona o lipoti na ulufale nisi I lea fale ma faaoolima I e sa iai i totonu o le fale.
O le satini sinia o Nadene Richmond mai Waitemata na ia taua na gaoia e ia tagata se taavale mai le fale na osofaia ma o ese mai ai ma lea nofoaga. O se taimi mulimuli ane na valaau ane ai leoleo ise fale I Henderson ma pueina mai ai ni tagata se toalua.
Fai mai leoleo e ui o lea o loo faagasolo le suesuega I le mataupu lenei ae ua mautinoa e masani I latou o loo aofia ai ma o loo faatino suesuega I fale uma e lua na agai iai leoleo .Fai mai nisi o molimau sa vaaia leoleo faaaupegaina o loo poloka se auala I le faaitu lea o Henderson Valley ma vaaia ai le aveesea mai o tagata e toalua ae tow ese mai e se loli se taavale lanu mumu ao lei taina le ono ile taeao analeila.
