E 40 tausaga o se alii mai Mataura o loo taofia e leoleo ina ua mae’a ona tulai i le faamasinoga i moliaga e faatatau i le faalavelave i le po o le Aso Sa na te’a nei.

Na ta’ua e leoleo i le lipoti a le Stuff na vaaia se tagata o alu ane i se taavale e leai ni mōlī ma e lei tu ane i leoleo ina ua taumafai atu e taofi.

Na amata e leoleo le tuliga ma toe faamuta ona o le popolega i le saogalemu o tagata.

Peitai o taimi mulimuli ane o le taeao lea na toe vaaia ai foi e leoleo le taavale lava lea e tasi i luga o Kelvin St ma mulimulitai ai, na mafai ona taofia i se taimi mulimuli ane ma ave ai loa le alii lea i le ofisa o leoleo.

Fai mai le lipoti i le taimi o le tuliga muamua ma leoleo na taumafai ai lea tagata e soso’a le taavale a leoleo lea o loo iai ni nai aafiaga mai lea mataupu.

E toe tulai le alii lea i le faamasinoga i le aso 13 o Aokuso ma ua faailoa e leoleo e leai se avanoa o ituaiga uiga ia i le komiuniti.

Puna o Faamatalaga: https://www.stuff.co.nz/nz-news/350351963/police-car-rammed-five-hour-overnight-pursuit