Ua faia nei e le uafu I Aukilani ma Tauranga a laua tulafono mo le saogalemu o Niu Sila ma ona tuaoi o le Pasefika
Ua tuuaia e le sooupu o le uafu tele a NZ I Aukilani, Matt Ball le malo e faapea, e le o mausali tulafono o le Koviti faatatau I tagata faigaluega I luga o vaa mai atunuu I fafo lea e afea NZ
I le taimi nei o loo mafai lava e tagata faigaluega I luga o vaa e afea Aukilani ona taunuu mai ma agai sao lava e siaki ma faia isi galuega I luga o vaa la’uoloa mai fafo e aunoa ma le faia o ni siaki o le Koviti pe faanofoesea foi
O se lape e talitonu le uafu I Aukilani, o I tonu lea na mafua ai ona aafia se tasi o inisinia Aukilani I le uma ai o galuega na faia I luga o se tasi o vaa ua faaigoaina o le Sofrana Surville
I ripoti a le newshub, o le aso lava lea e tasi e le gata o galuega I luga o le vaa ae sa iai foi ma isi tagata faigaluega o le vaa e faapea o ni Filipino, lea na felelei faapitoa mai mo le kiliaina o le vaa – ma o nei tagata mai fafo e le I faia ni siaki pe faanofoesea foi
O tulafono ua faia nei e pulega o uafu I Aukilani ma Tauranga, o le a le mafai ai ona agai sa’o tagata mai atunuu mamao o loo faimalaga mai e galulue I luga o vaa mai fafo pe a le faanofoesea mo le 14 aso
Ao faamamafa ai e pulega o uafu le saogalemu, o se tulafono ua saunoa Billy Preston o le NZ Shipping Agents, e ono avea ma tulaga e le toe fia omai ai vaa mai fafo I NZ, ona e le fia totogia e pulega o nei vaa le tau e faanofoesea ai tagata faigaluega mai fafo
O siaki nei o tagata faigaluega e maualuga le tulaga ono lamatia o o latou soifua I le KOviti e pei o I latou I malaevaalele, uafu ma nofoaga o loo faanofoesea ai tagata, na taua ai e le tamaitai palemia I le masina o Aukuso ina ua fesiligia I le le lelei ona faanofoesea o tagata faigaluega, e le I silafia e le kapeneta a mea e le o lelei ona faatautaia siaki mo I latou nei
Ma o le toe lalaga ai e pulega o uafu o le saogalemu o tagata faigaluega, ua faailoa mai ai e le minisita o le soifua maloloina Chris Hipkins o se aso o le vaiaso nei atonu o le a faailoa mai ai le faamalosia o siaki mo tagata faigaluega mai fafo, e ui e le I manino pe faafefea la le faanofoesea Mai faamaumauga a le matagaluega o femalaiga, 324 tagata faigaluega I luga o vaa mai fafo ua maea ulufale mai I NZ, ma o lona uiga o I latou uma nei e le I faia ni siaki ma faanofoesea
