O le faalapotopotoga faavae o le Yasaki Kizuna Foundation o loo faaauau pea ona faia ana foa’i mo le manuia o faalapotopotoga tuma’oti, ma fanau a’oa’oina o Samoa.
O se faalapotopotoga sa agalelei i le Lakapi Samoa i se foa’i o se pasi faamalū, ma avanoa sikolasipi mo nisi o fanau o loo a’o’oga i le Iunivesite Aoao o Samoa.
Peitai e to’asefulu fanau a le atunuu o loo a’o’oga i le Iunivesite a le Pasefika i Alafua ua fesoasoani foi le Yasaki Kizuna Foundation e totogi a latou a’oa’oga mo le sa’ilia o faailoga tikeri i mataupou tau tulafono, ma se faailoga tikeri i tomai tau a’oa’oga poo le Bachelor of Education.
O le Aso Lua foi o lenei vaiaso na foa’i atu ai e lea faalapotopotoga se taavale o le ituaiga o le van e 14 tagata e mafai ona malaga ai, mo le sosaiete faasao a Samoa, le Samoa Conservation Society.
O lea taavale o le a aogā tele i le sosaiete mo le faia o a latou galuega mo le puipuia o le si’osi’omaga faalenatura o Samoa e pei o manu ma laau o le vaomatua.
