E lima suiga ua faia e le ‘au a Niu Sa Uelese mo le sauni atu i le taaloga lona lua o le State of Origin e faia i le Suncorp Stadium i le aso 21 o le masina nei.
O Mitchell Moses lea ua filifilia i le ‘afa o le ‘au ae faamalolo Nicho Hynes.
O Damien Cook le isi lea ua toe valaau ane atoa ma le isi toalua o tama fou atu i le ‘au.
O Lattrell Mitchell lea o le a toe foi ane i lona tulaga lea sa taalo ai Stephen Crichton i le vaiaso talu ai.
Ua faailoa i lipoti a le 9 Sports, o Moses lea o le a suitulaga ia Cleary i le numera 7 a o Cook o le a suitulaga ia Api Koroisau o loo manu’a foi.
O le prop a le West Tigers o Stefano Utoikamanu ma le hooker a North Queensland o Reece Robson ua faasee ane i le bench.
Ua fuafua e faia se feiloaiga a le faiaoga o le ‘au ma le autusitala i le aoauli o le asō.
