Ua lapatai mai le pulenuu o Western Sydney ua tumu e latou faaitu ae o loo feta’ua’ina ai le oo atu i le 650 afe o tagata ua fuafua e taunuu mai i Ausetalia e aumau ai i le isi lua tausaga o lumanai. 

Fai mai le pulenuu o Fairfield Frank Carbone o latou e masani lava ona fiafia e faaulufale atu nisi tagata e fia agai atu i le latou faaitu peitai la ua lē o toe lava fale ma tulaga e nonofo ai tagata i le taimi nei ona o le toatele. 

Fai mai a ia e le fia vaai i fale pei o granny flats o matuai tutumu aemaise o le a atili ai foi ona taugata le tau o fale.

Saunoa le teutupe o le malo o Jim Chalmers o se tasi lava lenei luitau tele o loo feagai ma le tamaoaiga o le atunuu i le taimi nei o le lē lava o fale ae o le a lē taofia ai foi le malaga mai o tagata.