O le toe tipoti mai e Ausetalia o tagata Kiwi ona o faiga faasolitulafono, ua atili alualu ai I luma le amio leaga

O le alualu I luga o kegi I totonu o NZ ma faigafaasolitulafono, e fesootai lea ma le au tipoti mai Ausetalia

Saunoaga nei a le tamatai palemia, Jacinda Ardern ua faaleo ai lona finagalo, o le le lelei lea o le system o loo iai nei, o le toe tipoti mai o tagata Kiwi ua leva ona aumau I Ausetalia ona faigafaasolitulafono

O se system ua tele lona aafiaga I le nofo va lelei o NZ ma Ausetalia

 I faamaumauga, talu mai le 2015, silia ma le 2000 le au tipoti, ma e silia ma le afa o lenei aofaiga ua toe molia ona o faigafaasolitulafono.

I lona aofaiga pei ona ripotia e le newshub, e oo atu I le 9000 moliaga o le faaoolima, osofaia fale o aiga ma faiga-taufeusuaiga le manuia e aafia ai fanau, ese mai ai le silia ma le 2000 o faiga faapiopio e aofia ai ma le gaoi

E talitonu le tamaitai palemia e fesootai le faaiuga ua faia e Ausetalia I le au tipoti ma le alualu I luga o le faatupulaia o kegi I totonu o NZ Ua tuuaia ai e nisi le malo, faapea e le o lava le aapa mai o le malo I ni polokalame e toe fuataina ai le ola o I latou nei