E iai pamu penisini fou ua amata faatulaga nei i Ausetalia atoa, U-Go Petrol Stations e faagaioia e le AMPOL, se tasi o kamupani tele e faafoeina lea auaunaga.

O ia pamu o le a mafai ai ona aga’i atu le avetaavale, tap lana card e totogi ai le penisini ma toe aga’i ese pe a mae’a.

O lona uiga o le a lē mana’omia ai se tagata faigaluega e faafoeina le pamu.

E 7 pamu faapea ua faatulaga i NSW, 5 i Kuiniselani, 4 i Ausetalia i Saute ma le 3 i Vitoria.

Fai mai le 9News o loo iai le valaau i le AMPOL ina ia toe tomanatu i lana fuafuaga lea aemaise i tagata e iai taavale eletise.

Fai mai nisi finagalo o le leai o se tagata faigaluega i le pamu penisini o le a lagona ai foi e avetaavale le lē saogalemu.

O lona uiga e ui la e foliga o le a faigofie le faagasologa o le utuina o taavale peitai e foliga e le o se tala lelei lea mo ave taavale uma.

Puna o Faamatalaga: https://www.9news.com.au/national/city-drivers-can-now-fillup-using-petrol-stations-that-dont-have-a-single-staff-member-at-them/0b632d36-7ac1-4491-93ef-c9ee67a9141f