O le a asiasi mai mo le uluai taimi le Premier o Saina i Ausetalia i le faaiuga o le vaiaso ma o le uluai taimi lea talu mai le 2017.
Ua faamaonia mai e le Palemia, Anthony Albanese o le a talimalo ai i le Annual Leaders Meeting i le fale o le Palemene i Canberra i le Aso Toonai.
O le a faimalaga foi le Premier i Adelaide ma Perth ma e fā aso le umi o lana faigamalaga.
O loo ta’ua i le 9News o le a feiloai atu foi i nisi o ta’ita’i faapisinisi o komiuniti a Saina i le atunuu.
Fai mai Albanese o le asiasi mai o Li Qiang o se avanoa tāua e faatalanoa ai foi nisi mataupu tāua i le va o atunuu e lua.
Puna o Faamatalaga: https://www.9news.com.au/national/chinese-premier-li-qiang-to-visit-australia-anthony-albanese-announces/1b1b1d77-d96c-4b50-9c8c-1f2140ac723d
