E 5 aso ia ua fuafua e tapunia ai le Skycity casino ina ua lē faamalieina aiaiga o ana matafaioi e ao ona faatino, host responsibility obligations e pei ona folasia e le Skycity Entertainment Group i le taeao analeila.
Fai mai e lei faamautuina mai aso o le a tapunia ai ma e na o le vaega o iai masini taalo tupe o le a tapunia.
Fai mai sa latou pepa o faamatalaga o loo lipotia i le televise tasi o loo faatulaga pea lava le aufaigaluega e pei ona masani ai ae o le faai’uga e tapunia mo aso e lima ua faia i le mae’a o le talosaga sa faia e le Matagaluega o Mataupu Faalotoifale Department of Internal Affairs agai i le NZ Gambling Commission ina ia faamālōlō lē tumau le laisene o le Skycity Casino ona o le lē faamalieina o tulaga e pei ona ta’ua.
Na faailoa e se sui o le kamupani i lea lipoti e tāua matafaioi ia e ao ona faatino e le auaunaga ma e talia le faai’uga ua tuu ane ma faatoese foi i le faaletonu ma o le a faatino gaioiga uma e ao ona faia ina ia alofia le toe tulai mai o sea faaletonu i le lumanai.
Puna o Faamatalaga: https://www.1news.co.nz/2024/07/18/aucklands-skycity-casino-to-close-for-5-days-after-host-failures
