Fai si faatuai o faigamalaga i le asō i trains ona o solo tetee o loo faagasolo foi a le aufaigaluega i ia auaunaga.
Ua una’ia pasese ia faatuai fuafuaga e femalagaa’i ai pe afai e mafai ona o le poloka ma le faatuai o faigamalaga i le asō.
Na faailoa e le Transport NSW e iai se vaega o auala o le train o loo mana’omia ona faia iai galuega faaleleia i le faaitu o Homebush ma Bondi peitai ua lē o fia auai ai le aufaigaluega e i le iuni, le Electrical Trades Union (ETU) i le faiga o lipea i le po anapo.
O se tasi lea o mafua’aga o le faatuai o faigamalaga.
Ua lipotia i le ABC ua faaauau pea ona faia ia tetee a le aufaigaluega e ui i le siitaga i totogi na ofo mai e le Malo i le aufaigaluega i trains i le aso ananafi.
Ua fautuaina e le Malo tagata afai e mafai ona faigaluega mai le fale mo le taimi nei o le a fesoasoani tele lea i le faamāmāina o le avega o le faaitiitia o tagata femalagaa’i i trains.
Ua ta’ua e le ABC o le ofo na tuu atu i le aufaigaluega i le aso ananafi e 13 pasene e sii ai totogi i totonu o le 4 tausaga ma e lē o mautū mai se tali a le iuni i lea ofo.
Puna o Faamatalaga: https://www.abc.net.au/news/2025-01-15/sydney-trains-disruption-continues-government-pay-offer/104817188
