Ua faatonuina se aoga ia faatoese I se tamaititi aoga na faamalolo ina ua upuvale I se faiaoga. Fai mai le Komesina o Sulufaiga o amioga ale tamaititi aoga e le o se tulaga faaigoaina ile faaperetania, gross misconduct poo ni amioga ogaoga le talafeagai.

Ole aoga a le Macleans College i Aukilani lea o loo tulai mai ai lea tulaga pei ona lipotia I le ZB ma ua fautuaina e faatoese I le tamaititi I le maea ai ona ave le faasea aloaia a lona aiga I le Komesina o Sulufaiga.

O le tamaititi I le taimi lea 17 tausaga ile 2019, na tuli ai ma le aoga ae toe oni nai vaiaso maea le tausaga 13.

Eseese finagalo faaalia e faatatau I le faauigaina sao o le upu gross misconduct ma sa valaauina ai foi ma se fesoasoani mai le faamasinoga maualuga.

Fai mai le Komesina e le faatagaina le ituaiga amioga sa faatino e le tama aoga ae e lei aofia ai ni tulaga ua faatino ai se sauaga ma oo ai I se tulaga lamatia mo tamaiti aoga mae o loo iai isi vala e ao ona silasila iai le pulega o le aoga mo se faasalaga o le tama aoga ao lei oo ise tulaga e tuliese ai ma le aoga.

Fai mai le puleaoga Steve Hargreaves I lea lava lipoti ua suia ai le natura o mea e manatu tamaiti aoga e faatagaina I le aoga, ui I lea ua maea ona tusi atu I le aiga o le tamaititi ma faailoa iai ua faatonuina I latou e faatoese ma ua momoli foi iai a latou faamanuiaga.