I totonu o le 6 tausaga ua alu, na faatoluina fesoasoani a le malo e toe lipea ai taavale a I latou o loo agavaa I penefiti pe maualalalo tupe maua
I faamaumauga e oo mai ia Mati o le tausaga nei, faamauina ai na totogi atu e le matagaluega a le Social Development le tusa ma le $33.6 miliona e fesoasoani ai e toe faaleleia taavale a I latou nei, ma e latalata I le 50,000 fesoasoani tupe na totogiina atu aofia ai tupe nono faapea fesoasoani tupe e le toe totogia, poo grants
I se toe tepa I le 2016, o lea na faamauina ai na o le $11 miliona, ae 22,500 peimeni na faia
Finau ai Brooke Pao Stanley o le Auckland Action Against Poverty o le toatele o lea na moomia taavale e saili ai galuega, fale e nonofo ai, siaki a le fomai aemaise fanau aoga
Ae mai le minisita o le matagaluega, Carmel Sepuloni o nei tupe faaalu o loo fesoasoani I aiga e maualalalo tupe maua, ma o le alu I luga o le fuainumera o se ata vaaia lea o le faafaigofie e le malo ona maua e tagata o fesoasoani o loo agavaa ai
