Ua toe faatoese le fale’aiga a le McDonald’s i le faaletonu o le tekonolosi faaneionapo na lē mafai ai ona faia oka a tagata i le afiafi o le Aso Faraile.

Na lipotia e lē na o McDonald’s i totonu o Niu Sila na motusia fesootaiga nei i le po o le Aso Faraile, o lea foi na motusia mo sina taimi fesootaiga i luga o masini e mafai ai ona faia oka i Ausetalia, Iapani, Peretania, Sweden faapea le malo tele o Amerika.

Na lipotia e le Herald molimau a se tasi o tagata faigaluega a le fale’aiga i totonu o Niu Sila, o lea e lei ola masini komepiuta e mafai ai ona faia oka a tagata faatau.

Sa faamautinoa mai ai foi e lei faapea a mea na mafua ona o totonu o le pisinisi, peitai o fesuiaiga na faia e se tasi o pisinisi o loo galue mo le fale’aiga.

E oo mai i le taeao o le Aso Toonai ua lipotia le toe faafoisia o fesootaiga na motusia mo sina taimi.