Ua matua’i maumaua’i le finau a le faigamalo a le setete o Ausetalia i Saute poo South Australia i le sailia o vapes faasolitulafono ua mafua ai ona fiafia le to’atele o tamaiti aoga i le nicotine.
O se ‘au poo se team fai faatasi a le faigamalo ma le Australian Border Force lea ua o latou mauaina ai le tusa ma le $240 afe o le tau o ia sikaleti faasolitulafono.
O osofa’iga na faia i le itu i Matu o Adelaide i nisi o faleoloa o loo iai na maua iai le 100 kalama o sikaleti ma vapes], fai mai ua teuina i totonu o masini tālavalava, o kapoti ma atigipusa.
O loo ta’ua o tupe e maua atu mai le faatauina o ia sikaleti faasolitulafono e toe faaaogā e faatupe ai isi foi gaioiga e pei o le aumaia faasolitulafono o auupega o fana ma fualaau faasāina
O le vaega tele la o vapes ua maua o loo su’esu’eina nei ma o le popolega lea o le ausu’esu’e ua matua’i taa’ina ai tamaiti e fiafia i le felanulanua’i o vapes ma le nicotine o loo aofia ai.
Puna o Faamatalaga: https://www.9news.com.au/videos/national/more-than-100-kg-of-illegal-tobacco-vapes-seized/clzs69ujb003h0gpdre9zb9pk
