O Niu Sila le isi atunuu lea ua maitauina ua mātele ina agai mai iai le aumaia faananā pe faasolitulafono foi o le fualaau faasāina o le cocaine.
O le fualaau e aumaia mai Amerika i Saute ma e taugata le tau e faatau ai.
O le satini suesue o Albie Alexander mai le National Organised Crime Group sa ia faailoa o le tausaga na tea nei 2023 na vaaia ai se suiga tele i le aofai o le fualaau faasāina o le cocaine ua oo ma i Niu Sila ma ua atagia le tulaga o iai le lalolagi ma lenei fualaau faasāina.
O le tau o le kilo o le cocaine o loo faatau ai e amata mai i le 180 afe i le kilo agai atu i le 300 afe i le kilo.
