Ua i le vaaiga nei a leoleo se alii lea na mafua ai ona faia se poloaiga tau faalavelave faafuasei i Logan i Kuiniselani i le taeao analeila. 

O le tea laitii o le ‘afa o le 8 na aveesea mai ai e leoleo se alii mai se fale i Chambers Flat Road ma sa loka lima i handcuffs a o aumaia i fafo e leoleo.

Sa muai logoina tuaoi ma i latou i le faaitu lea ina ia nonofo i totonu o o latou fale ma ia alofia le faaitu lea e soo se avetaavale.

Sa faataututū leoleo ma le tagata lea i le taeao analeila ma sa masalomia o loo iai se auupega.

O isi lipoti o loo ta’ua ai na amata mai feutanaiga a leoleo ma le tagata lea i le vaeluaga o le po anapo peitai o lea faato’ā pueina i le tea o le 8 i le taeao, e faafetaia ai e leoleo le usitaia e tagata i lea faaitu o faatonuga ma ua leai ai se soifua e aafia i lea faalavelave.