E lē o toe mamao iai le vaega faatau fale fou i le maketi o fale i Dunedin, ma o le vaega lea, o le Council a Dunedin.
O loo matuai lagolagoina e le toatele le faiga o le a toe faatau ai e le Council fale o loo iai nei i nofoaga maualuluga ma lamatia mai suiga o le tau.
Peitai, e pau le fesili o loo iai pea, pe fia le tau o le a faatau ai.
O Saute o Dunedin lea o loo iai le tele o fale nei, ma e tulata foi i matafaga.
O le fuafuaga ua fofola mai e le Council e lē o faamalosia le oese o tagata ma i fale nei e agavaa i le faiga e mafai ai ona faatau ese, pe afai ae lē mananao iai.
E oo mai i le taimi nei e lē o mautinoa fale e agavaa i le faiga lenei ae poo ā foi fuafuaga a le Council a Dunedin e na te moomia lava le fesoasoani a le malo ma o lona uiga e tatau ona talanoa ma le vaega o tupe ma iloa ai le mafai e faatau ai e le Council a Dunedin le itu i Saute o lona lava aai.
