Ua faatapulaa le taimi e mālōlō ai fanau a’oga ma aga’i i falelēta’ua ona o le to’atele e o e vape.
O lea ua mae’a tusi le kolisi maualuga a Christchurch Girls High i mātua o tamaitai a’oga ananafi e tusa ma le to’atele o tamaitai nei ua faaaogā taimi nei o mālōlōga e o ai e vape.
I lea tusi o loo ta’ua ai foi o nisi o fanau a’oga e o atu lava e o i le falelēta’ua ma lē toe foi mai ai lava i vasega.
E lē fou lenei mataupu i totonu o a’oga i Niu Sila, o le faaaogā o falelēta’ua ma nofoaga e o iai fanau a’oga e vape e tusa ma faamatalaga mai le Vape Free Kids.
A o faia ai le faai’uga a le kolisi maualuga i Kalaiesetete, o loo fai mai ai foi ma le pulea’oga e lē faapea o le a iai le faatagana i taimi e moomia ai le alu o le teine a’oga i le falelēta’ua, peitai o taimi o mālōlōga nei lea o le a faatapulaa.
O loo matua’i lagolagoina e le V Vape Free Kids le faai’uga a le kolisi ua faia.
Puna o Faamatalaga: http://Top high school limits toilet breaks after reports of vaping, ‘chroming’ | The Press
