Ua salalau ai i luga o upega tafailagi o le Facebook ata ma video o se mu na faatama’ia ai le malumalu tapua’i a le Ekalesia a Iesu Keriso o le Au Paia o Aso e Gata ai i Nuuuli.
O loo maitauina le toatele o tagata ua ave i upega tafailagi o latou faanoanoaga i vaaiga faamomoiloto i le faaleagaina o le malumalu tapua’i i le afi.
E ui e lei māua le mafuaaga o lea faalavelave mata’utia ae o loo maitauina le fesiliga e le toatele poo ai sē na faia lea gaioiga faalēalofa.
O loo maitauina foi le toatele o tagata ua faamauina le faailo ai o lo latou faanoanoa tele i le mea ua tupu i le malumalu e pele i o latou loto, ona o se malumalu tapua’i na amata fofoa ai o latou ola faaleagaga i lo latou olaga tuputupu a’e.
O le taeao analeila na tulai mai ai lea faaalavelave.
