E lua ni nofoaga sa iai ni pisinisi i Salelologa i le vaega o loo iai le maketi na faatama’ia i le malaia poo le afi i le Aso Sa o Tamā i Samoa o lenei tausaga.
O ata o le mu ma ni faamatalaga e faatatau i lea faalavelave tau mu sa faasalalau e le auaunaga o le Jano Production, o loo faaalia ai o le fale sa iai se pisinisi su’isu’i ma le fale sa iai le ofisa o le taaloga o le lotto na afaina i le afi.
E tu lata iai se fale o le ofisa o le Jano Production ae e lei oo iai le malaia ina ua vave atu iai le auaunaga a le vaega o le fuimu ma galuega lavea’i i taimi o faalavelave faafuasei i Salelologa.
E lē o iloa le mafuaaga o le mu ae o loo faia iai su’esu’ega a leoleo ma le vaega o le fuimu.
