Ua lipotia o le asō o le a maua ai le avanoa o tagata Ausetalia e molimauina ai se solar eclipse, fai mai o le a vaaia ai le la ua foliga na o se tamai li’o ae poloka mai e le masina mai le silasila atu a tagata.
Fai mai o le nofoaga aupito sili ona iloa gofie ai lea tulaga, o le toe vaaia o le la, masina ma le lalolagi o align faatasi, o le faaitu o Exmouth i le gataifale o Ausetalia i Sisifo.
Ua faailoa mai foi i lipoti mai lea faaitu e lata i le 20 afe tagata ua agai atu i le itu lea o Ausetalia mo le maimoaina o lea tulaga.
Ua tapena foi iai lea faaitu ma ua faailoa o le a matuai pisi i le asō a o talitalia ai lea tulaga e pei ona faamauina.
Fai mai nisi mau o le taimi e tupu ai pe ā ma le minute e pogisa ai ae fua lava i le vaega o Ausetalia o loo e iai.
