Search
Search
The presiding Judges in the case, Justice Vui Clarence Nelson, Justice Niava Mata Tuatagaloa & Justice Lesatele Rapi Vaai. - Radio Samoa
The presiding Judges in the case, Justice Vui Clarence Nelson, Justice Niava Mata Tuatagaloa & Justice Lesatele Rapi Vaai. Photo: Talamua online

Faatali le faaiuga i le talosaga a loia a Talalelei Pauga ia faasee ese le faamasino

Ua i luma nei o le tamaitai Faamasino o le Faamasinoga Maualuga le afioga Niava Mata Keli Tuatagaloa, folasaga poo submissions a le loia a leoleo ma le loia a Talalelei Pauga, e faasino i le talosaga a lē o loo molia ina ia faasee ese le Faamasino le afioga Niava mai le tauaveina o suesuega o moliaga o Talalelei Pauga, ona o atugaluga e faapea e pito tasi le silasila a le faamasino i le suesueina o moliaga o le taupulepule e faaoo le maliu i le susuga Tuilaepa L Sailele Malielegaoi sa avea ma Palemia o le atunuu.

O le faaiuga foi o lea talosaga o le a aumai ai se faaiuga i le fesiligia e le Faamasino o le tulai o le tamaitai loia o Josephine Fuimaono Sapolu mo Talalelei Pauga ae o se tasi lea o tuutuuga o le tatala i tua o lē ua molia ina ua talia lana talosaga e tatala i tua e faatali ai le suesueina o ona moliaga, o le nofo lea i le aiga o le loia ua tulai nei mo ia.

Mo le silafia o le loia sa tauaveina muamua moliaga o Pauga, ua galue nei o le faauluuluga o le ofisa o le komisi mo le toe fuataina o tulafono a Samoa.

Na faailoa e le Faamasino le afioga Niava ina ua toe valaau le mataupu lenei i le Aso Tofi o le vaiaso nei, o lana faaiuga tusitusia o le a aumai ai tali o le talosaga o lona faasee ese, ma le suia o le loia pe lē o iai se vaega o le tulafono e aafia ai ona o se conflict of interest.

Tala sili ona faitaulia

Tala mai samoa

TALA FOU MAI SAMOA

TALA MAI NIU SILA

SAMOA UPDATE

PODCASTS

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required