O loo manao le malo e faafaigofie le fausiaina o fale ua ta’ua o granny flats ma isi fausaga tutusa, ma o lea ua amata faatamo’e.
O se suiga o lea na amata tatala ananafi le avanoa e faatalanoa ai ma o lona uiga afai ae suia le tulafono o le a faafaigofie ai ona fau fale faaopoopo nei e fesootai ma le fale tele, lea e oo atu i le 60 square mita le tele.
O loo afifi ai i totonu o suiga fale nei e fau i nuu i tua faapea sone ua ta’ua o residential zones lea e le tau moomia ai se pemita, pau o lea ia faamalieina aiaiga e iai le mautinoa e mafai ona tali atu i uiga louloua o le tau faapea le faafaigata ona sosolo le afi pe afai ae tupu se mu.
O se tasi lenei o suiga i faigafaavae na muai faailo mai lava i maliega i le va o le National ma le New Zealand First.
Mai le palemia o loo tu mai i le foe I le taimi nei, Winston Peters, o se suiga o le a taugofie mo aiga.
O le faaiuga o le tausaga e faamautu ai e le malo lenei suiga, faamoemoe e amata aloaia i le ogatotonu o le 2025.
Puna o Faamatalaga: https://www.1news.co.nz/2024/06/17/govt-proposes-allowing-granny-flats-builds-without-resource-consent/
