Ua aumai e le malo le faatagana e aumai ai nisi tagata faigaluega mai fafo e fesoasoani I le utiuti o tagata galulue I le primary sector, ma e taunuu mai le tau faanofoesea
O lea ua ioeina le aumai o le isi 200 tagata e galulue I auaunaga o loo moomia le agavaa e faaaogaina masini, ma le latalata I le toaselau I galuega e pei o le seleina o fulufulu mamoe
Mai le minisita o faatoaga, Damien O’Connor o nei faatagana faapitoa o le a fesoasoani lea I nei galuega I taimi o le a toe sui ai foi le tau mafanafana o loo iai nei
Ese mai I nei faatagana faapitoa o lea foi ua toe teuteu e le malo aiaiga e faataga ai le 200 dairy workers, ma o ni suiga ua taua e O’Connor o suiga amata nei ua faasolosolo atu ai le toe tatala o tuaoi o Niu Sila I le lalolagi
O le le tau faanofoesea o nei tagata faigaluega faaopoopo o se avanoa le aumaua lea ao taufao ai e le toatele o tagata o loo I fafo fia omai I Niu Sila potu e omai faanofoesea ai
