O se polokalame faaauau a le faalapotopotoga ua faaigoaina o le Brown Gril Woke lea na o latou faasoa atu i aoga e 10 i totonu o Samoa ni pusa tusi mo le unaia lea o le faitau tusi i totonu o aoga.
O aoga uma e 10 lea na faamanuiaina i nei pusa tusi na faimeaalofa mai ai le Task Force o le Oceania poo le Operations in Pacific Island Countries.
Taua e le Faauluuluga o le Brown Girl Woke Maluseu Doris Tulifau na faafesootai atu ia te ia se fitafita satini Amerika ia Boyd Lauano ma faapea atu ua logotala i Amerika ma atunuu e mamao i galuega fesoaosani a le Brown Girl Woke ma o le mafuaaga lea ua tauala mai ai le latou fesoaoani i lea faalapotptoga ina ia faasafua i aoga a Samoa.
Faailoa e Maluseu le lagona fiafia ona o loo talitonuina le Brown Girl Woke e faalapotopotoga mai fafo mo le faasoasoaina o meaalofa ma foai i vaega o loo manaomia ai le fesoasoani.
Talu ona faavae mai le Brown Girl Woke i le 4 tausaga talu ai ua tele nisi o faalapotopotoga ma asosi ua tuuina atu a latou fesoaoani tauala atu i le B.G.W ma na taua e Maluseu le aoga tele o fesoaoani tau i aoaoga i fanau ona o loo telē le manaomia i vaega o tusi faitau e faaleleia ai le faitau a le tamaititi ma le teineititi aoga. O nei tusi na tele ina ao mai i faletusi tetele ma totonu aoga eseese i totonu o Hawaii
