Ua faasee ese Shane Reti mai le tofiga minisita o le soifua mālōlōina.
Ua uma le toe faatulagana o le Kapeneta a le Palemia o Niu Sila, Christopher Luxon ananafi, ma faamautinoa mai ai se tasi o suiga tele, lea ua pa’ū ai le tulaga o Reti i totonu o le faatulagana o sui o le pati a le National.
Ua suitulaga ai nei Simeon Brown ia Reti, ma ua avea nei ma minisita o le soifua mālōlōina, e tauave faatasi ai ma state owned enterprises lea foi sa ia Paul Goldsmith.
O se suiga e talitonu e lē faigofie ia Reti, poo lē sa sui ta’ita’i i le pati i tausaga ua mavae, atoa ai o se tasi ua iloga i totonu o le li’o o auaunaga faalesoifua mālōlōina.
O le aveese ai foi o Reti, ua leai ai nei ma se sui minisita Maori i totonu o le to’avalu aupito i luga o le lisi a minisita a Luxon.
Ae mai ia Reti ananafi, ua ia talia ma le agaga maualalo le suiga ua aumai, ma i se manatu o le Palemia, e lē o aveesea ai lona faatuatuaina o Reti.
E le’i aafia i le suiga a le National na fofoga mai ananafi minisita a le NZ First faapea ACT lea o loo fausia faatasi le malo.
O suiga na faailoa mai ananafi i le Kapeneta a le National e amata aloa’ia i le Aso Faraile nei.
Puna o Faamatalaga: Shane Reti out as Health Minister as PM makes major cabinet reshuffle
