E fā vaiaso lea ua lipotia ua faasala ai le alii taalo mai North Queensland o Jeremiah Nanai e pei ona tuuina ane ai le faasalaga mai le komiti e iloiloina taaloga.
O le pueina e Nanai o Braden Hamlin Uele lea ua mafua ai lea faasalaga i le taaloga na malo ai Cronulla e 44-6.
Fai mai afai e taliaina e Nanai le faasalaga e na o le fā vaiaso le umi peitai afai e teena ma lusi lana finau lona uiga e lima vaiaso o le a faasala ai.
Na lipotia i le 9News se faamatalaga a Hamlin Uele e faapea e na te iloa e lei iai se manaoga o Nanai e faamanu’alia o ia petai o le tulaga lea ua tulai mai.
E lua taaloga sa lei taalo ai foi Nanai i le amataga o le tausaga ona o se faasalaga foi i le latou taaloga ma le Titans.
