Ua faasā e le Auckland Council taavale i luga o le matafaga a Muriwai i taimi pisi o tafaoga ma o le a faaauau ai mo le 3 tausaga sosoo.
O se faaiuga ua faia ai mo le puipuia ma taumafai e faasao le matafaga e tusa ma tala a le Council.
O lea foi o le a faapipii pa e tapunia ai auala nei agai i le matafaga atoa ai ma faailoilo mo le silafia e tagata e asia le matafaga.
O le aso 29 o Tesema agai atu i le aso 14 o Ianuari o le tausaga a sau o le a faasā ai taavale mai le matafaga ma toe faaauau ai foi i le piriota lava lea e tasi i le tausaga a sau faasolo atu i le 2025 agai i le 2026.
E oo foi i le po o le Guy Fawkes o lenei tausaga o lea o le a tapunia ai foi, ma o se suiga ua faia ai mo le uluai taimi e puipuia ai mai le ono lamatia i mu e mafua mai i mea faapāpā.
O loo matuai lagolagoina e le pulega a le tineimu lenei faaiuga.
