O se taimi o lenei tausaga e aloa’ia ai le sā o loo tapena e le malo e lē mafai ai ona toe faatau atu i soo se tasi e le’i atoa le 18 tausaga pepa Lotto.
O ai foi pisinisi e lē usita’ia o le a faasala i le faasalaga tupe e tusa ma le $1000.
O teuteuga nei o le tulafono o loo aga’i iai le malo, ma e lē gata mo faatauga online ae faapea totonu o faleoloa.
Mai le minisita o mataupu tau lotoifale, Brooke van Velden, o se teuteuga o le a saga faamalosia ai fefaataua’iga nei ona e lē tatau ona o fua fanau e faatau pepa Lotto, ‘ava malosi poo le sikaleti foi mo mātua ae lē gata i lea o le manino o tulafono mo tagata faapea pisinisi.
E lē o mautinoa poo afea tonu o lenei tausaga e amata ai suiga ua faailoa mai, pau o lea e ave i totonu o le maota i le tausaga nei ma aloa’ia ai i se taimi mulimuli mai.
Puna o Faamatalaga: ‘Long overdue’: Sale of Lotto tickets to under 18s to be banned
