E toalua tina ua faasā nei ma le fale tifaga ona o le lē usitaia o tulafono e faasā ona oatu ma avatu meaai i tua, ma o lea na i’u ai lava ina valaau leoleo.
O le aoauli o le Aso Lua lea na o ai tina nei toalua ma fanau i le faletifaga i Pukekohe ma o lea foi ua toe salalau i luga o le TikTok.
O faasalalauga nei i luga o le TikTok o loo maua ai faamatalaga a le pule o le fale tifaga, Robert Greig, e lē mafai ona ola le pisinisi pe afai ae faataga uma tagata e oatu ma a latou lava meaai ma vaiinu mai tua.
O le lē usitaia e tina nei o faatonuga a le aufaigaluega na faatetele ai loa finauga, ma o loo maua foi i le video le tagi o se tasi o tamaitiiti a o finau.
Faamaonia e leoleo o lea na o iai i le fale tifaga ma oese ai loa tina ua ta’ua.
Ae i luga o le social media o se mataupu o loo mafuli le lagolago i tina ua aafia, o nisi o loo ta’ua, o le lelei lava ona faatalanoa o tagata e malamalama ai, ae o isi, ua taugata tele meaai ma vaiinu o loo faatau i fale tifaga.
Puna o Faamatalaga: Food taken into Pukekohe movie theatre: Women trespassed, police called after heated exchange – NZ Herald
