Ina pepese Aleluia ua fanau le tupu! Ua lata mai le aso e faamanatu ai le fanau mai o Iesu, lo tatou Alii Faaola. Le pepe o le Kerisimasi. Amata nei loa le taumafaiga, e faagata i le aso 20 o Tesema. O le a faia le se’i i le aso lava lena i le 10 i le taeao. (faitau manino aiaiga)

Faasā e Niu Sila auro e faatau mai a Rusia

Ua faasā e Niu Sila auro e faatau mai Rusia, ma o se sā ua faia ai i le mae’a faia foi e Ausetalia ma atunuu o loo i lalo o le G7.

Mai le minisita o le va i fafo Nanaia Mahuta faapea le minisita o fefaataua’iga Damien O’Connor, o se tasi o gaioiga a Niu Sila e faailoa atu pea ia Rusia e le taliaina e Niu Sila lona siitau ia Ukraine.

O le faasā o nei aseta o se faiga lea ia mautinoa ai e le ono avea Niu Sila ma atunuu e malu mai iai aseta nei a Rusia a o faasā ai e isi atunuu.
E le gata i lea ae o le faaaogā ai e Rusia o tupe maua mai nei aseta e faatupe ai taua faasolitulafono.

O le faaiuga ua faia e Niu Sila ua sau i le mae’a o le fonotaga a le G7 sa faia i Siamani i le vaiaso talu ai lea na faailoa mai ai ua faasā foi e Amerika, Peretania, Kanata, Ausetalia ma Iapani auro nei a Rusia.
O le aso 25 o le masina lenei o Iulai e aloaia ai le sā a Niu Sila.