O le asō lea na faataunuu ai i Viva Las Vegas USA le tauvaga e sailia ai se tausala poo le Miss Samoa USA, ma o le tamaitai foi lea o le a malaga atu i Samoa mo le sailia o se Miss Samoa ia Setema e pei ona masani ai i tausaga taitasi.

O se uluai taimi lea ua toe faia ai se tauvaga e sailia ai se Miss Samoa USA talu mai le tele o ni tausaga ua mavae e lei toe faia sa latou tauvaga.

E maeu foi tapenaga uma na sauni iai tamaitai tauva taitoatasi ma i latou uma sa galulue i le faaatoaina o teuga a nei tamaitai talavou lalelei o Samoa i Amerika.

E toalima tamaitai sa faia iai le tauvaga, ma na maitauina le naunau uma o nei alo o le atunuu e faatāua ma faamatilatila mai lo latou mitamita i lo latou faasinomaga o ni alo tamaitai o Samoa e ui lava ina soifua ane i atunuu i fafo ae na faaleo lo latou mitamita i le iloa o latou lava o alo tamaitai o Samoa.

O le tamaitai ua manumalo nei i le pale o le Miss Samoa USA, Josephina Faatupufilemu Lealaitafea, ua 23 tausaga o lona soifua, ma o loo nonofo nei ma lona aiga i West Jordan i Utah.

O ona mātua uma o Samoa, o lona tamā e mai afioaga o Salailua ma Salani ae o lona tina e mai afioaga o Malie ma Auto.

FAAILOGA FAAOPOOPO

Miss People’s Choice: Contestant #3 – Josephina Faatupufilemu Lealaitafea

Miss Photogenic: Contestant #3 – Josephina Faatupufilemu Lealaitafea

Miss Personality: Contestant #1 – Elepe Lafaele

VAEGA AUTŪ

Best Siva Samoa: Contestant #5 – Christina Savelio-Tavai Lilo-Laulu Falaniko Auva’a

Best Interview: Contestant #3 – Josephina Faatupufilemu Lealaitafea

Best Laei Taupou: Contestant #3 – Josephina Faatupufilemu Lealaitafea

Best Puletasi: Contestant #3 – Josephina Faatupufilemu Lealaitafea

Best Talent: Contestant #2 – Desiree Salamasina Washington

TULAGA O LE TAUVAGA

WINNER: Contestant #3 – Josephina Faatupufilemu Lealaitafea

1^st Runner Up: Contestant #5 – Christina Savelio-Tavai Lilo-Laulu Falaniko Auva’a

2^nd Runner Up: Contestant #2 – Desiree Salamasina Washington

3^rd Runner Up: Contestant #1 – Elepe Lafaele

4^th Runner Up: Contestant #4 – Mariel Punipuao Emma Luafalemana Macdonald