Ua folafola e le Uber Eats o le a amata ona faia totogi mo nisi o ana auaunaga e kiliva ai oloa i fale o aiga ma o le a amata lea i le vaiaso fou.
Fai mai le kamupani o le latou app lea e ofoina ai le kilivaina o taumafa mai fale’aiga aemaise o oloa ma ava malosi ma e amata i le vaiaso fou o soo se faatau e itiii ane i le $10 le tau o oloa o le a tuuina iai se fee poo le totogi faaopoopo e $2.99.
Fai mai nisi o le au faatau e masani ona faaaogāina lea auaunaga atonu e talafeagai foi lea faiga a le Uber Eats auā o nisi tagata faatau e na o le tasi se oloa, o se faataitaiga o le toothpaste ae sau mamao ai le kiliva a le Uber o lona uiga e lē talafeagai le auaunaga faatino ma le tupe o loo maua mai le oloa e tasi e i lalo ifo o le 10 tala lona tau.
