Ua faaopoopo soifua ua fano i Samoa e mafua i le faamai Koviti-19.

E toalua tagata ua faaopoopo i le aofaiga e 29 na faamauina talu mai se lipoti a le soifua maloloina i le masina o Fepuari, ma ua faamauina ai nei le 31 o tagata i Samoa ua maliliu ona o le Koviti-19.

Ua na o faamaumauga lata mai a le soifua maloloina o loo faailoa ai le aofaiga e 31 o le au maliliu, ae e le o faamatalaina ai, poo le ā le ituaiga o tagata, ae o le a foi le matutua o le soifua.

I le lipoti lata mai o le pipisi o le flu, ua faailoa i faamaumauga le faaitiitia o tagata e aafia, ae o loo fautuaina pea e le soifua maloloina le tausisia o puipuiga lautele i le faia o puni fofoga pe afai o loo aafia i auga o le flu.