E 3800 isi potu faaopoopo ole a amata avanoa I le po ananei pei ona faailoa e le Palemia o le atunuu e mafai ona faatonu ai nofoaga e faanofoesea ai tagata o loo fia malaga mai I le atunuu.
O lona uiga ole ta o le ono I le afiafi o le a mafai ai ona book pe faatonu se potu faanofoesea I luga o upega tafailagi .
O avanoa e amata I le masina fou o Oketopa, Novema ma Tesema. E silia ma le 12 afe tagata e ono toe taliu mai I le atunuu mo le Kirisimasi ma o le a iai foi isi potu faaopoopo e avanoa I nai isi vaiaso o lumanai ai e pei ona saunoa le palemia.
Faamanatu foi e Adern le unaia pea o le toatele ia faia tui puipui ma o le faamoemoe lava o le malo ina ia maua e tagata Niu Sila se taumafanafana aupito sili ma ua alaga tatau ai ona galulue malosi ia siitia le aofai o tagata ua faia tui puipui aua e taua tele lea mai le faasee ese mai vavao.
Na saunoa foi le palemia o loo ia iloa sa faia se fonotaga a le komesina o leoleo Andrew Coster ma le taitai o le Destiny Church Brian Tamaki e faatatau i le solo tetee sa ia folafola e faasaga I vavao ma o loo lava lona faatuatuaga o le a faia le faaiuga sa’o e le pulega o malu o le malo I le mataupu lea.
